反向面試 (Anti Interview)
- 改編自原文地址：面試時的反問
- 原文作者：Stanisław Pitucha(viraptor)
- 翻譯同修訂：BENSONIST
呢份列表係幫你喺面試嘅時候反問雇主嘅問題，彰顯你嘅個人能力同主動性。問題唔一定適用所有職位或行業，無特定次序。添加一啲可能對面試公司產生疑慮的問題。希望你問多啲，唔好浪費面試機會！
如果你有新問題想加，歡迎提交 PR。
點用呢份列表
- 揀啲你感興趣嘅問題
- 先上網搵答案，搵唔到再問面試官
- 唔好問晒所有問題（尊重人時間，搵答案都係你主動性嘅表現）
計畫趕唔上變化。公司結構同面書流程隨時會變，最緊要執生。擁有一個bug追踪系統，唔代表你可以好快咁處理所有bug，有 CI/CD 亦都唔一定代表出貨快。
問題分類
公司概況
- 公司點解要請人？（產品發展／新項目／員工流動）
- 有冇例會／跨國會議？旅費點計？有咩規矩？
- 晉升流程點樣？有咩要求同期望？
- 需要做工作表現評估？
- 技術同管理兩條路係咪分開？
- 公司發展到咩階段？（早期搵方向／穩定運作／維護中）
- 我可唔可以貢獻開源項目？要唔要批准？
- 你覺得公司 5 年或 10 年後會點？
- 上次見到有人成長係幾時？喺咩方面？
- 喺呢度成功點定義？點計？
- 有冇團建或運動活動？
- 公司支唔支持開源項目？
- 洗唔洗簽保密協議或無競爭條款？
- 你覺得公司文化點樣？有咩不足？
- 可唔可以講一個公司處理危機嘅故事？
- 你喺呢度做咗幾耐？感覺點？
- 大家點解鍾意喺呢度工作？
- 公司調薪制度係點？
- 內部流動機會點樣？
- 公司對員工心理健康有咩措施？
- 你最滿意喺呢度工作嘅地方係咩？
- 公司數碼轉型策略係咩？
- 公司點用 AI 推動業務同增長？
- 公司減碳目標係咩？
團隊動態
- 工作點樣組織？
- 團隊內同跨團隊溝通通常點？
- 用咩工具管項目？實際體驗點？
- 意見唔同點處理？
- 邊個定目標同計劃優先次序？
- 時間唔夠出貨點做？
- 每星期有咩會要開？
- 有冇定期同上司一對一傾？
- 產品計劃點樣？（幾耐出貨一次／持續部署）
- 生產環境出事點搞？有冇唔埋怨人地推卸責任文化？
- 團隊有咩未解決嘅挑戰？
- 點追蹤進度？
- 期望同目標點定？誰定？
- Code Review 點做？
- 講下團隊一個典型 Sprint 例子？
- 點平衡技術同商業目標？
- 點分享知識？
- 團隊有幾大？
- 技術團隊架構同人員組成點？
- 開發、產品、運營邊個提需求多？邊個話事？
- 團隊點處理遠程合作？
- 用咩工具搞遠程項目？
職位細節
- On-call 規矩係咩？加班有冇補償？放工覆機點計？
- 我日常工作係咩？
- 有冇特定目標畀我？
- 團隊初級同高級工程師比例點？
- 入職培訓點樣？
- 開發者有幾多自由度做決定？
- 你覺得呢份工做到咩算成功？
- 你期望我頭一個月／三個月做到咩？
- 試用期完用咩衡量我表現？
- 獨立開發同按部就班比例點？
- 典型一日或一星期工作點樣？
- 對我申請有咩疑慮？
- 我會同邊個合作？
- 我上司同佢上司管理風格係咩？
- 呢個崗位點發展？有咩機會？
- 每日核心工作時間幾多？
- 呢個崗位係新增定接替舊人？有冇技術債？
- 入職後喺邊個項目？新定舊？
技術工具
- 公司常用技術棧係咩？
- 點用源碼控制系統？
- 點測程式碼？
- 點追踪 bug？
- 點監控項目？
- 點整合同部署程式碼？有冇 CI/CD？
- 基礎設施搭建係咪自動化？
- 由計劃到完成嘅工作流係咩？
- 點準備故障恢復？
- 有冇標準開發環境？強制咪？
- 搭本地測試環境要幾耐？
- 解決安全問題同依賴要幾耐？
- 開發者可唔可以用自己電腦管理員權限？
- 講下你哋技術原則或展望？
- 程式碼有冇開發文件？有冇客用文件？
- 有冇高層次文件？例如 ER 圖、數據庫範式？
- 用唔用靜態程式碼分析？
- 點管理內外部數碼資產？
- 點管理依賴關係？
- 有冇技術分享活動？
- 數據庫點做版本控制？
- 業務需求點記錄？
- 點解決技術債？有冇重構時間？
專業成長
- 升職加薪有冇量化標準？
- 每年團隊學習預算幾多？
- 每年有幾多次技術講座？
- 公司點支持員工進修？
- 有冇跨部門項目機會？
工作生活平衡
- 遠程同辦公比例點？
- 公司畀唔畀硬件？更新計劃點？
- 用自己硬件有冇補貼？
- 額外配件有冇預算？
- 有冇共享辦公或上網補貼？
- 幾耐返一次辦公室？
- 會議室有冇視訊準備？
- 有薪假有幾多？
- 病假同年假分開定一齊計？
- 可唔可以提前用假？
- 未用假可唔可以滾入下年？
- 照顧細路點安排？
- 無薪假政策係咩？
- 有冇靈活工時？
- 遠程員工點保持工作生活平衡？
薪酬福利
- 有冇獎金計劃？點分配？
- 過去幾年獎金畀幾多？
- 有咩醫療保險？幾時生效？
- 有冇額外商業保險？
- 保險可唔可以加家人？
- 換工作地點有冇資助？
- 可唔可以申請換地點？
- 會唔會幫海外申請者搞簽證？
- 有冇餐飲福利？
- 有冇交通或電話費補貼？
- 有冇股票期權？
- 不同地區薪酬點處理？
社會倫理考慮
- 對多元化招聘有咩睇法？
- 工作生活平衡點樣？
- 公司對氣候變化有咩立場？
- 產品點確保無障礙？
- 公司點回應社會責任？
衝突解決與反饋
- 意見唔同點處理？
- 做唔完被退回點算？
- 團隊壓力大點搞？
- 見到流程或技術有改善點做？
- 管理層同工程師期望有差距點處理？
- 可唔可以講個有毒環境嘅故事同點解決？
- 如果同事涉嫌性侵，點處理？
- 如果我被性侵，有冇內部渠道爭取權益？
商業策略
- 公司賺唔賺錢？
- 如果唔賺，仲要幾耐？
- 如果賺，每年營業額大概幾多？
- 資金來源係咩？誰影響計劃？
- 你哋點搵錢？
- 咩阻你哋搵更多
終極問題
- 呢個職位點解會空缺？
- 公司點保證人才唔流失？
- 呢份工／團隊／公司最好同最差嘅地方係咩？
- 你點解一開始揀咗呢間公司？
- 你點解留喺呢度？
問未來同事
- 你喺呢度工作最滿意嘅地方係咩？
- 最唔滿意係咩？
- 如果可以，你想改咩？
- 團隊最老嘅成員喺呢度幾耐？
- 小團隊有冇成員性格衝突？點解決？
- 你覺得 AI 有無機會取代你？
其他資源
在以下位置查找更多問題靈感：
- The Joel Test: 12 Steps to Better Code by Joel Spolsky
- Questions I’m asking in interviews by Julia Evans
授權
This work is licensed under a Creative Commons Attribution-ShareAlike 4.0 International License.